Bakit nakulong si Hev Abi? inosente raw?

Usap-usapan kung bakit nakulong ang singer at rapper na si Gabriel Abilla o mas kilala sa mundo ng music bilang si Hev Abi.

Kung ating babalikan, April 16 ibinahagi ng CIDG o Criminal Investigation and Detection Group ang pag-dakip kay Hev Abi. Bakit nga ba siya nakulong o hinuli?

April 14, inaresto ng QCPD ang rapper dahil sa ‘illegal possession of firearms’ at sa mga nakuhang ipinagbabawal na gamot na nasa posesyon ni Abi.

Nakumpiska rin kay Abi ang G3 Taurus caliber 9mm pistol, isang magazine at 15 piraso ng live ammunition para sa nasabing kalibre ng baril na hindi rehistrado.

Ani ng QCPD : “During the implementation of the search warrant and the confiscation of the firearm, the team also recovered from the suspects 11 cartridges containing suspected liquid marijuana and four sealed transparent plastic containing powder suspected to be cocaine.”

Agad naman na nilinaw ng kampo ni Hev Abi na siya ay inosente, wala raw katotohanan ang mga akusasyon ng mga awtoridad laban sa rapper.

Agad na naglabas ng official statement ang music label na Urban Department PH, ang nangangalaga sa music career ni Abi.

Anila : “On behalf of Hev Abi, we categorically deny any and all allegations pertaining to his misunderstanding that lead to his situation last April 14, 2026. Our legal counsel is working with the designated authorities in finding a solution.”

Dagdag pa nila : “From the bottom of our hearts, thank you to everyone who continues to show their support.”