Ate Gay thanks Heart Evangelista for help amid Cancer battle

Ibinahagi ni Ate Gay na may malaking tulong ang aktres at fashion icon na si Heart Evangelista sa pakikipaglaban niya sa sakit na cancer.

Ate Gay reveals Heart Evangelista’s monthly Financial Assistance

Sa naging panayam Gil Aducal Morales o mas kilalang Ate Gay sa programa ni Tito Boy na ‘fast Talk with Boy Abunda’, dito na nila pinag-usapan ang tungkol sa naging tulong ni Heart sa komedyante.

Ani Tito Boy : “Hindi alam ng marami, pero ang sumasagot sa iyong pang-araw-araw ay ang ating kaibigang si Heart Evangelista.”

Chika ni Ate Gay : “Napakabuti ni Heart. Monthly niya po akong binibiyayaan. Heart, thank you so much.”

Dagdag pa niya : “Actually, nung [may nag offer] ng Asian Hospital, si Miss Heart, inofferan niya akong pumunta ng Singapore. Eh [may nauna na]. Kaya ayun na lang ang ano ni Ms. Heart.”

Ate Gay opens up about his Stage 4 Cancer diagnosis

Hindi lingid sa marami na noong September 2024 ay ibinalita ang tungkol sa stage 4 cancer diagnosis ni Ate Gay.

Ani Ate Gay : “Mahirap ngayon ang lagay ko… May kanser ako, stage 4 daw. Magtatagal [pa] ba ang buhay ko?”

“Ang sabi [ng doktor], hindi na daw ako aabutin ng 2026. Kaya ang sakit-sakit sa akin, hindi na rin daw ako puwedeng operahan. Wala raw lunas, masakit [para] sa akin.

Dagdag pa niya : “Halos araw-araw umiiyak ako. Hindi naman ako nag-kulang kay Lord, although lagi kong sinasabi na walang himala [pero] kailangan ko po ng dasal.”

Sa kasalukuyan, tuloy tuloy na ng improvement ng kalagayan ni Ate Gay at tuluyan na rin na nawala ang malaking bukol sa kanyang leeg.