Pinay na si Mary Anne de Vera, tinamaan ng Iranian missile.

Pumanaw ang Pinay caregiver na si Mary Anne Velasquez de Vera 32, matapos tamaan ng Iranian missile sa Tel Aviv, Israel.

Sa naging pahayag ng Israeli embassy sa Pilipinas, nasawi si Mary Anne habang pino-protektahan niya ang kanyang pasyente mula sa mga bumabagsak na missiles o Iranian missile strike.

Anila : “Mary Ann was injured while selflessly assisting her patient to safety during Operation Roaring Lion on March 1, 2026. A stark reminder that the Iranian regime continues to sow terror indiscriminately, targeting civilians without distinction.”

Bahagi pa ng pahayag : “Mary Ann, like so many overseas Filipino workers in Israel, exemplified resilience, compassion, and quiet strength. She was identified by her husband, who is also an overseas Filipino worker in Israel, and their family.”

Natagpuan si Mary Anne Velasquez de Vera na nasa malubhang kondisyon matapos tamaan ng isang ballistic missile ang katabing bahagi ng kanilang apartment building sa Coastal City.

Dahil sa lakas ng pagsabog at malaking pinsala ng mga gusali. Isinugod ang pinay sa ospital ng mga paramedic ngunit idineklara itong wala ng buhay o dead on arrival.

Tiniyak naman ng DSWD o Department of Social Welfare and Development na naka-handa na silang tumulong sa na-ulilang pamilya ni Mary Ann sa Basista, Pangasinan.

Ani ng DSWD. : “Magbibigay po ang DSWD ng tulong pinansyal sa ilalim ng Assistance to Individuals in Crisis Situation (AICS) program at psychosocial support para sa kaniyang pamilya.”

Bahagi ng kanilang pahayag : “Labis na ikinalulungkot po ng DSWD ang nangyaring pagkamatay ng ating kababayan na si Mary Anne, isang caregiver mula sa Israel. Nakikiramay kami sa naiwan niyang pamilya at handa po kami na magbahagi ng tulong sa kanila para malagpasan ang masakit na pangyayaring ito.”