Phoenix, nilinaw na ‘invalid’ raw ang lifetime fuel ni Hidilyn Diaz.

Ano ang issue ng Phoenix kay Hidilyn Diaz?

Naglabas ng official statement ang Phoenix Petroleum tungkol sa ginawad nilang lifetime fuel incentive para kay Hidilyn Diaz.

Noong March 12, nilinaw ng Phoenix na sa kasalukuyan ay ‘invalid na’ ang iginawad nilang lifetime fuel incentive para sa first Filipino Olympic gold medalist na si Hidilyn.

Hindi lingid sa marami na nakakaranas sa kasalukuyan ng gasoline shortage o paglobo ng presyo ng fuel ang ating bansa dahil sa epekto ng giyera sa middle east.

Dito na muling nag-viral si Hidilyn matapos ma-alala ng netizens ang binigay na pa-incentive sa kanya ng kilalang oil company na Phoenix Petrolium dahil sa pagka-panalo nito sa Tokyo Olympics noong 2021.

Ngunit sa kasagsagan ng pag-viral ng atleta, lumutang ang mga balitang hindi pala natupad ang ipinangako sa kanya ng fuel company. Dahilan upang mag-labas ng official statement ang Phoenix.

Ani ng Phoenix : “In 2021, Hidilyn, the very athlete we chose to support, fulfilled our goal of winning the first Olympic gold medal for the country. Hence, we were honored to turn over our cash donation of Php 5 million to her.”

“As the sole gold medalist, Hidilyn Diaz was awarded with the “free fuel for life” donation.” chika ng Phoenix.

Dito na ibinahagi ng Phoenix na umabot rin pala ng 2 years ang pag-claim ng atleta sa kanyang free fuel ngunit nalaman nila na pumirma si Hidilyn ng kontrata sa ibang Petroleum company.

Pagbabahagi ng Phoenix : “In March 2022, Ms. Diaz received her second year of fuel donation from us. Upon acknowledging receipt, she was asked if she could share about the donation online, she declined, citing that she recently entered into a contract with another petroleum company. She soon ceased communicating with us. We respected her decision.”

Bahagi pa ng statement : “We fulfilled our commitments. As with many corporate donations, such arrangements are guided by conditions, including brand alignment. As circumstances changed and Ms. Diaz engaged with another fuel brand, the fuel donation arrangement could no longer continue under the same terms.”