Naglabas ng kanyang pahayag ang It’s Showtime host na si Karylle Tatlonghari tungkol sa muling pagkikita nila ni Dingdong Dantes.
Kung ating babalikan, muling nagkita sina Karylle at Dingdong sa It’s Showtime stage noong June para sa promotion ng ‘Only We Know’, ang pelikula ni Dantes kasama si Charo Santos.
Sa naging panayam naman ni Karylle sa talk show ni Boy Abunda na ‘Fast Talk with Boy Abunda’ sa GMA Network noong Oct. 1, dito na sinabi ng It’s Showtime host na bigla niyang naramdaman ang pagiging ready niya na muling makita si Dingdong.
Pagbabahagi ni Karryle : “I did see a lot of clips [encounter with Dingdong], and I wouldn’t have put myself in a situation na hindi ako handa siguro. So sometimes people judge na, ‘Bakit hindi mo hinaharap?’ Minsan hindi ka pa handa, so why would you put yourself in a situation na baka may magawa kang hindi exactly maganda,
“Before [hindi pa ako handa makita si Dingdong]. Kasi parang some people were like, ‘Are you avoiding?’ Sabi ko, ‘Hindi. Minsan, nagkakataon lang na you’re also working or doing theater shows, Etc.” dagdag ni Karylle.
Naitanong naman ni Tito Boy kay Karylle kung may pag-asa pa ba na maging magkaibigan sila ni Dingdong. Tanong ni Tito Boy : “Are you looking to being friends with Dong?”
Sagot ni Karylle : “I don’t know if ‘friends’ is the [exact] word. I would imagine being people in the same industry, we could support each other. I see that he supports our movie, I did my best to kind of support their own movies, so I think supporting each other maybe,
“The friendship? I don’t think it’s in the cards anymore,” dagdag ni Karylle.
Hindi lingid sa marami na tumagal rin ng tatlong taon ang relasyon nina Karylle at Dingdong bago sila tuluyan na naghiwalay noong 2008.
Sa ngayon ay may kanya-kanyang buhay na silang dalawa. Si Karylle ay kasal at masaya na kay Yael Yuzon at si Dingdong naman ay bumuo na ng pamilya kasama si Marian Rivera.
