Ate Gay hopes to live longer amid Stage 4 Cancer battle

Matapos malaman ni Ate Gay na mayroon siyang stage 4 cancer, umiiyak itong humiling na gusto pa niyang mabuhay nang matagal.

Hindi lingid sa marami na may stage 4 cancer si Gil Aducal Morales 54, o mas kilalang Ate Gay sa mundo ng showbiz at komedya.

Ate Gay tearfully shares his desire to live longer

Sa latest vlog ng talent manager na si Ogie Diaz, nakapanayam nito si Ate Gay at dito na ibinahagi ng komedyante na kahit may taning na ang kanyang buhay base sa nauna nitong doktor, umaasa parin siya na sana raw ay mabuhay pa siya ng mas matagal.

Naikwento rin ni Ate Gay ang pag-show niya sa Canada kahit na may iniinda na siyang sakit, dahil sa mga panahon na ito ay lumalaki na raw ang bukol sa kanyang leeg.

Ani Ate Gay : “Doon na lumaki [ang bukol ko] sa Canada.. habang nagsho-show ako dumudugo siya [bukol].. hindi alam ng mga tao na habang nagpapatawa ako pero may iniinda akong sakit.

“Hindi na nga ako lumabas at hindi ko na na-enjoy ang Canada dahil nga any moment sumisirit ‘yung dugo dito sa leeg ko, buti nga sa eroplano ang bait bait nito [tinuro ang bukol niya sa leeg] dahil hindi siya dumudugo..” pagbabahagi ng komedyante.

“May Pag-asa Na Ako”, Ate Gay finds hope amid Cancer battle

Masayang ibinahagi rin ng komedyante na sa kabila ng kanyang karamdaman ay may mga taong mabubuti ang mga puso na handang tumulong sa kanya para agad siyang gumaling.

May isang tao rin na sinagot na ang kanyang medical treatment at chemotheraphy sa isang kilalang ospital.

Ani Ate Gay : “May isang anghel na tumulong sa akin na ilibre ako doon sa napaka-mahal na hospital, napaka-gandang hospital.. Magagaling na mga doctor, natutuwa ako kasi may pag-asa na ako, kasi nagbunga yung mga dasal [ko].”

Pagpapatuloy pa niya : “May isang anghel, nilibre po ako sa chemo, sa radiation para mabuhay po ako. Ang mahal mahal po ng hospital na iyon kaya marami pong salamat.”