Jake Cuenca and Chie Filomeno Breakup; What happened?

Usap-usapan sa social media ang tungkol sa breakup nina Jake Cuenca at Chie Filomeno, ano kaya ang tunay na dahilan?

Jake Cuenca and Chie Filomeno reportedly end their relationship

Ayon sa mga ulat, pinalayas diumano ni Jake mula sa kanyang condominium ang aktres at ang former GirlTrends member na si Chie.

Ito ang ibinalita ng Bandera matapos ibinahagi ni Xian Gaza ang tungkol sa hiwalayan nina Jake at Chie, nakalahad pa sa exposé ni Xian ang dahilan kung bakit sila naghiwalay.

Ayon kay Gaza, natagpuan raw na umiiyak si Jake sa kanyang condominium matapos siyang ipagpalit ni Chie sa isang milyonaryong negosyante na si Matt Lhuillier.

Ani Xian Gaza :

Jake Cuenca natagpuang humahagulgol sa loob ng bahay matapos itong iwan ni Chie Filomeno para sa isang milyonaryong negosyante sa Cebu na si Matt Lhuillier! Atin-atin lang muna huwag na lang sana makakalabas. Salamat.

Ito kaya ang dahilan kung bakit pinalayas ni Jake sa kanyang condo si Chie?

Ayon sa source ng Bandera na nakatira rin sa mismong condo building ni Jake, kitang-kita umano niya sa parking lot ng naturang gusali ang pagpapalayas ng aktor kay Chie.

Ani ng source :

Akala ko shooting lang [may dalang mga maleta si Jake], ganu’n naman kasi si Jake maraming dalang gamit. Tapos ang tagal naming hindi na nakikita si Chie, so.. baka ‘yun na nga, hiwalay na pala sila. Dati si Kylie Versoza din dito rin tumira.

Naitanong rin ng Bandera sa kanilang source ang tungkol sa naging social media post ni Xian Gaza, kung may katotohanan ba talaga ito at kung tunay ba na ipinagpalit ni Chie si Jake kay Matt Lhuillier na isang negosyante.

Sagot ng source : “Oo totoo [ang post ni Xian], pero hindi iniwan ni Chie si Jake, pinalayas ni Jake si Chie, pinabalik niya ang mga gamit sa bahay nila [sa pamilya ni Chie],”

Pero ayon sa source, hindi umano totoong umiyak si Jake sa kanyang condominium dahil sa taping naman raw ng FPJ’s Batang Quiapo ay masaya at makulit parin ito, baka kabaliktaran umano at si Chie ang tunay na umiyak.

Sa latest interview ni Jake sa ABS-CBN at News5 noong October 7, dito na niya ibinahagi ang tungkol sa breakup nilang dalawa ni Chie.

Ani Jake : “Siguro I can officially say.. that chapter of my life is over now.. I can at least say that I really loved that person deeply, and for me, I respect that person until today.”

Dagdag pa niya : “I’m gonna have a lot of time to process everything and accept everything, And for me, kapag mahal mo talaga ‘yung isang tao, you wish them all the happiness in the world. And you want them to be happy. You want them to be loved as well. That’s the love I have.”